బాలీవుడ్ శృంగార భామ షెర్లిన్ చోప్రా ఆసక్తికర వ్యాఖ్యలతో మీడియా దృష్టిని ఆకర్షించింది. 50 ఏళ్లు దాటినా ఇంకా బ్రహ్మచారిగానే ఉన్న కాంగ్రెస్ అగ్రనేత రాహుల్ గాంధీని పెళ్లి చేసుకునేందుకు సై అంటోంది. షెర్లిన్ చోప్రా నటించిన ఓ వెబ్ సిరీస్ ప్రస్తుతం స్ట్రీమింగ్ అవుతుండగా, అమ్మడు ప్రమోషన్ ఈవెంట్లలో పాల్గొంటోంది.ఓ కార్యక్రమంలో మాట్లాడుతూ, రాహుల్ గాంధీ అంటే పడిచచ్చిపోతానని వెల్లడించింది. రాహుల్ ఓకే అంటే తాను పెళ్లికి రెడీ అని చెప్పింది. కాగా, షెర్లిన్ చోప్రా ఈ పెళ్లికి ఒకే ఒక్క కండిషన్ పెట్టింది. రాహుల్ ను పెళ్లి చేసుకున్నప్పటికీ తన ఇంటి పేరులో మార్పు ఉండదని, ఈ కండిషన్ కు రాహుల్ అంగీకరిస్తే పెళ్లి చేసుకునేందుకు తనకు ఎలాంటి అభ్యంతరం లేదని అంటోంది.
